فيلم sidewalls باختصار عن رحلة كل شخص للعثور على نصفه الاخر واحتمالية انهم ممكن يتقابلوا في وسط صخب الحياة اول مرة شفت فيها الفيلم كان في سنة 2011 عشر سنين ما بين المشاهدتين، اتغيرت فيهم حاجات وفيه حاجات حالفه ان متتغيرش ومن ضمنهم بؤس الواحد، لان الحياة فيها كام عشر سنين مشاعري من الفيلم متغيرتش، بس اللي محستهوش زمان حسيته دلوقتي وهو الحصار والشخصيات المخنوقة جوا نفسها ، وعيشتها ، وبيتها ومدينتها والعالم ويكفي تسليط النفس على النفس وسيبكم من الباقي من الحاجات المحزنة عن الفيلم، ان ده اول عمل روائي طويل للمخرج عن فيلم قصير كان عمله في 2006 وبعدين اخرج فيلم طويل تانى ومنجحش سنة 2014 ودمتم على كدا، نفهم من كدا انه قال كل اللي عنده في الفيلم ده، ده احتمال وارد ، اسمه نحس العمل الأول الحاجة الثانية والجميلة اغنية دانيال جونستون true love will find you in the end رغم ان المغني حكايته اصعب من حكاية ابطال الفيلم وعمره ما حب في حياته لانه كان مصاب بمرض الذهان واضطراب ثنائي القطب، ولكنه كان موهوب في فنون كتيرة رسم وعزف وتلحين وغناء عشان كدا كانت اغنيته تكملة للجو العام في الفيلم الاختيارات الابداعية للمخرج، لانه بيتكلم عن ناس عايشين في الارجنتين في بوينس ايرس عايشين في مساحات صغيرة ولها تأثير وانعكاس على حياتهم المخرج اضاف بردو، ان الشخصيات بتكون محصورة في قلب الاطار وسط زحمة التفاصيل بجد معاناة، لما تشوف الشخصية في حيز صغير، والحيز مزدحم وده بيعكس حالته الداخلية ووالوحدة اللي عايش فيها ده مكنتش فاهماه زمان الفيلم ايقاعه وقع في النص الثاني ، بس رجع تاني وبعدين مدة الفيلم صغيرة المونتاج جميل جدا، فيه جمل حوارية توجع الفيلم مش غم زي كلامي كدا، بالعكس ده فيه تفاؤل ان انت مش لوحدك وان في حد ربما يكون قريب منك جدا وبيكملك، بس لسه مجتش اللحظة المناسبة للقاء ارشحه جدااااااااااااااااااااااااااااااا