لو فيه شخص راعي اغنام، ازاي يخلي القطيع يطيعه فيه كلب بيحرس، وفيه عصا بتضرب، بس الاقوى فيه ذئب قاعد متربص بالغنم، على حدود المكان فكرة وجود ذئب بتخلى قيادة القطيع سهلة طول ما فيه مصدر تهديد، وعلامات بتتشاف على مصدر الخطر وقوته اد ايه، القطيع هينصاع ويطيع المثال ده ما هو الا طبقة واحدة من اللي المخرج م. نايت شيامالان عايز يقوله في حكاية القرية اللي مقيمة في قلب غابة، وفيه كائن غريب المعالم مجهول بيترصد لهم في الخارج واسمه اللي ميتسماش بداية الفيلم والانتقال بالمشاهد في اجواء القرية وظروف الحياة فيها، وتوطيد اللغة القديمة عن اللغة الدارجة احنا قدام فيلم historical drama وبعدين طبعا بينضحك علينا مشكلة الفيلم انه بعد فيلم الحاسة السادسة اساسا مشكلة المخرج، اي فيلم عمله بعد فيلم الحاسة السادسة وان الجمهور بيقبل ينضحك عليه من اي مخرج وبيفرحوا بكثرة البلوت تويست، وعند شيامالان الدنيا تقف الفيلم اعقد من كدا بكثير، الفيلم عن عكس اسطورة الكهف لافلاطون عن ناس نقدر نقول تجنبا للمعاناة في العالم اختاروا يكونوا ابيقوريين يتجنبوا الالم بأي ثمن واختاروا يبنوا كهف لنفسهم متمثل في القرية، والخيالات اللي كانت بتتشاف على جدران الكهف ما هى الا محاولاتهم لتوطيد الخوف في نفوس الاجيال الجديدة، وخلق اسطورة عشان يتبني عليها الخوف وبالتالي يتحقق هدفهم في الحياة في سلام بعيد عن الفوضي اللي بره الوحيدة اللي خرجت بره الكهف هي الكفيفة اللي مش هتشوف النور ولا حقيقة العالم اللي بره جزئية الرعب النفسي وفيه ناس بتتسأل هو فين، هو متمركز في اخر ثلث من الفيلم ولكن بيتبنى طول الفيلم جزء جزء رحلة إيفي لخارج القرية، هي بتواجه سنين من اعتناق الخوف، رغم انها عرفت الحقيقة ان مفيش كائن مجهول بره، إلا ان العالم بره حدود القرية هو المجهول نفسه، الفة العصا اللي بتتسند عليها ، واريحيتها في التعامل مع المكان المحيط اكنها مش كفيفة، اتهدمت امام اول سقطة على الارض ، ومع كل صوت غير مألوف للمكان حواليها المخرج استخدم تراك الصوت هنا حلو جدا، لان المؤثرات رغم انها مألوفه للمشاهد، اصوات البيئة العادية في الغابة، إلا انها غريبة عن الشخصية وده استخدمه بعد سقوطها في الحفرة، بنسمع على تراك الصوت كلام ابوها ان فيه مخلوقات خطيرة موجودة في الغابة، نفس الجمل اللي بيرددوها الكبار على مسامع الصغار لتوطيد لفكرة _انا بختلف مع الآراء اللي بتقول أن مفيش تغير حصل، بالعكس التغير كان غير معني بشخصية واحدة وانما جماعة أدركت الهدف من وجود وتقبل المعاناة. كجزء أساسي من تجربة الحياة اخيتار حقبة تاريخية قديمة، التعامل فيها قائم على المقايضة ، على احترام الابناء للآباء، حنين لزمن كان فيه قيم مش موجودة في الزمن اللي هرب منه الناس دول ، مينفعش نختصر ده في مجرد بلوت تويست اختيار الألوان، اللون الاصفرالعباءة اللي بترتديها إيفي، واي حد من القرية دي ممكن يحمل دلالة الحذر الكامن في نفوس سكان القرية ، على عكس اللون الاحمر اللي بيمثل التهديد وعلامة الكائن المجهول واشارة للدم الدور الصغير اللي عمله ادريان برودي كان جميل، دور عبيط القرية زي بالضبط المهرج في التراجيديات، بيكون عارف كل حاجة وساكت، كلامه لا يؤخذ على محمل الجد رغم ان كنت عارفه النهاية، لكن الفيلم اغني من اختصاره في الخدعة والمفاجأة فيه بالعكس ده نص يترجعله تاني عشان نستمتع به اكثر